ဒီတစ်ကြိမ် မှာတော့ စီးရီးအေနဲ့ ဥရောပ ထိပ်တန်း ကလပ်တွေရဲ့ စိတ်ဝင်စားဖွယ် အပြောင်းအရွှေ့နဲ့ သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီးရဲ့ ပစ်မှတ် ကစားသမားတွေထဲမှာတော့ စီးရီးအေ ကလပ် လာဇီယို နောက်ခံလူ မာရီယို ဂီလာ ပါဝင်နေပါတယ်။ ချဲလ်ဆီးဟာ ဒီကစားသမားကို ယူရို ၃၅ သန်း (ပေါင် ၂၉.၄ သန်း၊ ဒေါ်လာ ၃၉.၉ သန်း) နဲ့ ကမ်းလှမ်းရန် အဆင်သင့်ဖြစ်နေပြီလို့ သတင်းတွေက အခိုင်အမာ ဖော်ပြပါတယ်။
Calciomercato ရဲ့ ဖော်ပြချက်အရ နာပိုလီက စိတ်ဝင်စားနေတဲ့ အသက် ၂၀ အရွယ် ဂါနာချိုကို နည်းပြ ရူဘင် အမော်ရင်က အသင်းသစ် ရှာဖွေဖို့ ညွှန်ကြားထားပါတယ်။ နာပိုလီ အနေနဲ့ မန်ချက်စတာယူနိုက်တက် တောင်ပံ ကစားသမား အလက်ဟန်ဒရို ဂါနာချို ကို ဒီရာသီမှာ ထပ်မံ ကြိုးပမ်းဖို့ ရည်ရွယ်ထားတာလည်း ဖြစ်ပါတယ်။ စီးရီးအေ ချန်ပီယံတွေဟာ မန်စီးတီးက ကီဗင် ဒီဘရွန်းနားကို ခေါ်ယူဖို့ နီးစပ်နေကြောင်း သတင်းတွေ ထွက်နေချိန်မှာ သူတို့ရဲ့ အာရုံစိုက်မှုကို ပြောင်းလဲလိုက်တာလည်း ဖြစ်ပါတယ်။
ဖီအိုရင်တီးနား တောင်ပံ ကစားသမား နီကိုလို ဇန်နီအိုလို ကတော့ အသင်းဟောင်း ရိုးမားရဲ့ လူငယ်ကစားသမား နှစ်ဦးကို စော်ကားခဲ့တယ်လို့ စွပ်စွဲခံရပြီးနောက် နှစ်ရှည် ပြစ်ဒဏ် ချမှတ်ခံရဖွယ် ရှိနေကြောင်း သိရပါတယ်။
Sky Sport Italia ရဲ့ ဖော်ပြချက်အရ လာဇီယိုက နည်းပြဟောင်း မော်ရူဇီယို ဆာရီကို ပြန်လည် ခေါ်ယူလိုနေကြောင်း သိရပါတယ်။ လာဇီယိုကို ၂၀၂၇ ခုနှစ် အထိ တစ်နှစ် လုပ်ခ ယူရို ၂.၈ သန်းနဲ့ ကမ်းလှမ်းထားပြီ ဖြစ်ကြောင်း သိရပါတယ်။ တူစကန် နည်းစနစ်မှူးက ၂၀၂၄ ခုနှစ် မတ်လမှာ လာဇီယို နည်းပြ ရာထူးကနေ နှုတ်ထွက်ခဲ့သူ ဖြစ်ပါတယ်။
Il Corriere dello Sport ရဲ့ ဖော်ပြချက်အရ နာပိုလီ အနေနဲ့ ကနေဒါ လက်ရွေးစင် တိုက်စစ်မှူး ဂျိုနသန် ဒေးဗစ်နဲ့ နှုတ်အားဖြင့် သဘောတူညီမှု ရရှိခဲ့တယ်လို့ သိရပါတယ်။ လိုင်လီ တိုက်စစ်မှူး ဂျိုနသန် ဒေးဗစ် ကိုတော့ ဥရောပ ထိပ်တန်း ကလပ်တွေက စိတ်ဝင်စားခဲ့တာ ဖြစ်ပြီး နာပိုလီက လက်ဦးမှု ရယူနိုင်ဖို့ ရှိနေတာ ဖြစ်ပါတယ်။ ဒေးဗစ်ဟာ နာပိုလီ အတွက် ဒုတိယမြောက် နွေရာသီ ခေါ်ယူမှု ဖြစ်လာမှာ ဖြစ်ပြီး ကီဗင် ဒီဘရွန်းနား ကတော့ ပထမဦးဆုံး ခေါ်ယူမှု ဖြစ်လာဖို့ ရှိနေပါတယ်။
ဟိုဆေး မော်ရင်ညို ကတော့ အင်တာမီလန် အနေနဲ့ ၂၀၂၄-၂၀၂၅ ဘောလုံးရာသီ ဆုဖလား ၃ လုံး ဆွတ်ခူးနိုင်မှာကို စိုးရိမ်မိကြောင်း အရွှန်းဖောက် ပြောဆိုခဲ့ပါတယ်။ အင်တာမီလန် နည်းပြ ဆိုင်မွန် အင်ဇာဂီ ကတော့ ဒီရာသီမှာ အဓိက ဆုဖလား ၃ လုံး ရယူလိုကြောင်း ပြောကြားထားခဲ့ပါတယ်။ မော်ရင်ညို ကတော့ အီတလီ ကလပ်နဲ့ ချန်ပီယံလိဂ် ဖလားကို ရယူနိုင်ခဲ့တဲ့ နောက်ဆုံး နည်းပြ ဖြစ်ပါတယ်။ ဒါ့အပြင် Special One နည်းပြကြီးဟာ အီတလီ ကလပ်နဲ့ ဖလား ၃ လုံး ဆွတ်ခူးနိုင်တဲ့ တစ်ဦးတည်းသော နည်းပြ အဖြစ် ရှိနေပါသေးတယ်။ ဂတ်စ်ပီရီနီ ကတော့ အတ္တလန္တာ နည်းပြ အဖြစ် ၉ နှစ်ကြာ ကိုင်တွယ်ခဲ့ပြီးနောက် အသင်း ကနေ နှုတ်ထွက်ဖို့ ဆုံးဖြတ်ခဲ့ကြောင်း သိရပါတယ်။ အသက် ၆၇ နှစ် အရွယ် ရှိပြီ ဖြစ်တဲ့ နည်းပြကြီးဟာ ၂၀၂၅-၂၀၂၆ ဘောလုံးရာသီ စီးရီးအေ ကလပ်ပဲ ဖြစ်တဲ့ ရိုးမား နည်းပြ ကလော်ဒီယို ရာနီယေးရီရဲ့ နေရာကို ဆက်ခံသွားဖို့ ရှိနေသူလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
