တော့တင်ဟမ်ဟော့စပါး – လက်စတာစီးတီး
စူပါဆန်းဒေး ပရီးမီးယားလိဂ်ရဲ့ နောက်ထပ် စိတ်ဝင်စားစရာ ပွဲစဉ် အဖြစ် တော့တင်ဟမ်ဟော့စပါးနဲ့ လက်စတာစီးတီးတို့ ယှဉ်ပြိုင်ကစားဖို့ ရှိနေပါတယ်။ ချန်ပီယံလိဂ် ဝင်ခွင့် အတွက် မဖြစ်မနေ နိုင်ပွဲ ပြန်ရဖို့ လိုအပ်နေတဲ့ ဥရောပပွဲ ကစားထားရလို့ ပွဲပန်းနေတဲ့ လက်စတာစီးတီးကို အသာရသွားနိုင်မလား ဆိုတာ စောင့်ကြည့်ရမှာ ဖြစ်ပါတယ်။
ပြီးခဲ့တဲ့ ပရီးမီးယားလိဂ် နှစ်ပွဲ ဆက်တိုက် နိုင်ပွဲ ပျောက်ဆုံးခဲ့ခြင်းနဲ့ အတူ တော့တင်ဟမ်ဟော့စပါးတို့ မြောက်လန်ဒန် ပြိုင်ဘက် အာဆင်နယ်ရဲ့ ကျော်တက်ခြင်း ခံခဲ့ရသလို အဆင့် ၄ နေရာ အတွက် ရေပန်းစားမှုလည်း လျော့ကျခဲ့ရပါတယ်။ ဘရိုက်တန်၊ ဝက်စ်ဟမ်း၊ နယူးကာဆယ်နဲ့ ဗီလာ တို့ကို တိုက်စစ် ခြေစွမ်းပြပြီး ဂိုးပြတ် အနိုင်ယူခဲ့ပေမယ့် ပြီးခဲ့တဲ့ ၂ ပွဲ မှာတော့ တိုက်စစ်ပိုင်းက ၂ ပွဲပေါင်း ဂိုးပေါက်တည့်မှု ၁ ကြိမ်သာ ရှိခဲ့တဲ့ အထိ ကွန်တီရဲ့ အသင်းက ခြေစွမ်း ဆိုးရွားခဲ့တာ ဖြစ်ပါတယ်။ လက်တလော အာဆင်နယ်နဲ့ ၂ မှတ် ပြတ်နေပေမယ့် လက်ကျန် ပွဲစဉ် အခြေအနေ အရ မျှော်လင့်ချက် အပြည့်ရှိနေပါသေးတယ်။ ရာသီသိမ်းဖို့ ၅ ပွဲသာ လိုတော့တဲ့ အချိန်မှာ စပါးတို့ ပွဲတိုင်းကို အာရုံစူးစိုက်မှု အပြည့်နဲ့ ကစားနိုင်ဖို့ လိုအပ်ပြီး မထင်ရင် မထင်သလို တိုက်စစ်က ဂိုးပေါက် မပျောက်ဖို့လည်း အရေးကြီးပါတယ်။ စပါးရဲ့ အခုနှစ် ပရီးမီးယားလိဂ် အိမ်ကွင်း စွမ်းဆောင်ရည်ကို ကြည့်မယ် ဆိုရင်တော့ ၁၆ ပွဲ ကစားထားရာမှာ ၁၀ ပွဲ နိုင်၊ ၁ ပွဲ သရေ၊ ၅ ပွဲ ရှုံးထားတာ တွေ့ရပါတယ်။ အသင်းကြီး တစ်သင်း အတွက် အားရစရာ အိမ်ကွင်း ရလဒ် မဟုတ်ပေမယ့် အဆိုးကြီးတော့ မဟုတ်ဘူးလို့ ပြောလို့ ရပါတယ်။ အခု ပွဲကိုတော့ ရက်ဂီလောင်း၊ စကစ်ပ်၊ ဒိုဟာတီနဲ့ တန်ဂန်ဂါ တို့က လွဲလို့ စပါးရဲ့ အဓိက ကစားသမား အားလုံးနီးပါး ပွဲထွက်နိုင်ဖို့ ရှိနေတယ်လို့ သိရပါတယ်။
ဖြစ်နိုင်ဖွယ်လူစာရင်း – ဟူဂို လိုရစ်၊ ရိုမဲယို၊ ဒိုင်ယာ၊ ဒေးဗီးစ်၊ အီမာဆင်၊ ဟွိုက်ဘယက်ဂျ်၊ ဘန်တန်ကာ၊ ဆက်ဆနွန်၊ ကူလူဆက်ဗ်စကီး၊ ဆွန်ဟောင်မင်၊ ဟယ်ရီကိန်း
လက်စတာစီးတီး ကတော့ ယူရိုပါကွန်ဖရင့်လိဂ်ကို အာရုံစိုက်နေလို့ ပရီးမီးယားလိဂ်မှာ နောက်ဆုံး ၃ ပွဲဆက် နိုင်ပွဲ ပျောက်နေခဲ့ပါတယ်။ အဓိက ကစားသမားတွေ မကြာခဏ ဒဏ်ရာရနေခြင်းနဲ့ အတူ လက်ရှိ အချိန်ထိ ခြေစွမ်းပိုင်း တည်ငြိမ်မှု မရှိသေးတဲ့ လက်စတာတို့ ရာသီအကုန်မှာ အဆင့် ၁၀ အတွင်း ဝင်ဖို့တောင် မသေချာသေးတဲ့ အခြေအနေ ဖြစ်ပါတယ်။ တစ်ချက်ရှိတာက လက်စတာစီးတီးတို့ ပွဲကျန် တော်တော်များများ ကစားဖို့ ကျန်နေသလို ယူရိုပါကွန်ဖရင့်လိဂ် မှာလည်း ဆီမီးဖိုင်နယ် ရောက်ရှိထားပြီး ဖြစ်လို့ ဆုဖလား တစ်လုံးနဲ့ ရာသီသိမ်းခွင့်တောင် ရှိနေပါသေးတယ်။ ခြေစွမ်းပိုင်းအရတော့ ဘယ်လိုမှ အားရစရာ မရှိသေးပဲ အားထားရတဲ့ ကစားသမားတွေ ပြန်ပါလာသည့် တိုင်အောင် နေရာစုံမှာ အားနည်းချက်တွေ ရှိနေဆဲ ဖြစ်ပါတယ်။ လက်တလော ဘာထရန်နဲ့ အန်ဒီဒီ ကလွဲရင် လက်စတာစီးတီးတို့ လူပြန်စုံနေပြီး ရိုးမားနဲ့ ယူရိုပါကွန်ဖရင့်လိဂ် ဆီမီးဖိုင်နယ် ကစားဖို့ ရှိနေပေမယ့် ရော့ဒ်ဂျားစ် အနေနဲ့ အတောင့်တင်းဆုံး လူစာရင်းနဲ့ပဲ ရင်ဆိုင်သွားမယ့် သဘော ရှိပါတယ်။
ဖြစ်နိုင်ဖွယ်လူစာရင်း – ရှမိုက်ကယ်၊ ဂျက်စတင်၊ ဆိုယွန်ချူ၊ အမာတေး၊ သောမက်စ်၊ တေးလီးမန့်စ်၊ ဆူမာရေး၊ လွတ်ခ်မန်း၊ မက်ဒီဆင်၊ ဘန်းစ်၊ အီဟန်နာချို
ပြိုင်ပွဲစုံ နောက်ဆုံး တွေ့ဆုံမှု ၁၈ ကြိမ်မှာ စပါးက ၁၀ ကြိမ်နိုင်၊ လက်စတာစီးတီးက ၅ ကြိမ် နိုင်ပြီး ၃ ကြိမ် ကတော့ သရေ ရလဒ် ထွက်ပေါ်ထားပါတယ်။ပရီးမီးယားလိဂ် နောက်ဆုံး ၅ ပွဲ တွေ့ဆုံမှု မှာလည်း စပါးတို့ ၃ ကြိမ် အနိုင်ရခဲ့ပြီး လက်စတာ ကတော့ ၂ ကြိမ် ပြန်ပြီး အနိုင်ရထားပါတယ်။ အခုနှစ် ပရီးမီးယားလိဂ် ပထမအကျော့ ပွဲစဉ်မှာလည်း စပါးတို့ လက်စတာစီးတီးကို ကင်းပါဝါမှာ အကြိတ်အနယ် ကစားပြီး ၂-၃ ရလဒ်နဲ့ အနိုင်ရထားခဲ့ပါတယ်။
လောင်းကစားဆိုင်ရာ အကြံပြုချက်များ
SBOTOP 1X2 မှာ တော့တင်ဟမ်ဟော့စပါး အတွက် ၁.၄၀ ဆ၊ လက်စတာစီးတီး အတွက် ၇.၂၀ ဆ၊ သရေ အတွက် ၄.၆၀ ဆ ကြေးဖွင့်လှစ်ပေးထားပါတယ်။ ချန်ပီယံလိဂ် ဝင်ခွင့် မျှော်လင့်ချက် ဆက်လက် ရှင်သန်နိုင်ဖို့ အတွက် ဆိုရင်တော့ စပါးတို့ အခုပွဲမှာ မဖြစ်မနေ အနိုင် ၃ မှတ် ပြန်ရဖို့ လိုအပ်ပါတယ်။ ဒီအခြေအနေမှာ တစ်ဖက်က လက်စတာတို့ ဥရောပပွဲ ကစားဖို့ ရှိနေတာက စပါး အတွက် အခွင့်အရေး ဖြစ်ပါတယ်။ ဒီပွဲမှာတော့ အိမ်ရှင် စပါးကိုပဲ ရွေးချယ်ထားချင်ပြီး ၂ ဂိုးပြတ် လောက်နဲ့ အနိုင်ရသွားမယ် ထင်ပါတယ်။
ခန့်မှန်းရလဒ် (၂-၀)
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
