ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ပေါ်တူဂီ တိုက်စစ်မှူးကြီး ခရစ္စတီယာနို ရော်နယ်ဒို ကတော့ လက်ရှိ ကလပ် အဲလ်နာဆာနဲ့ အခုနွေရာသီမှာ စာချုပ် သက်တမ်း ကုန်ဆုံးတော့မှာ ဖြစ်ပါတယ်။ သူ့ကို စီးရီးအေ ထိပ်သီး အင်တာမီလန်နဲ့ အဲလ်နာဆာရဲ့ မဟာပြိုင်ဘက် အဲလ်ဟီလာ တို့က ခေါ်ယူချင်နေကြောင်း သတင်းတွေ ထွက်နေပေမယ့် ရော်နယ်ဒို ကတော့ ရီးရဲလ်မက်ဒရစ်ကို ပြန်ဖို့ စဉ်းစားနေတယ်လို့ သိရပါတယ်။ ဒါပေမယ့်လည်း ရော်နယ်ဒိုရဲ့ လက်ရှိ အသက်အရွယ်အရရော၊ ရီးရဲလ်မက်ဒရစ်မှာ တိုက်စစ် ကစားသမားကောင်းတွေ အများအပြား ရှိနေတာကြောင့် ဖြစ်နိုင်ချေ နည်းလွန်းတဲ့ သတင်းလို့ပဲ ဆိုရမှာပါ။
ပရီးမီးယားလိဂ် ထိပ်သီး မန်ချက်စတာယူနိုက်တက် ကတော့ မကြာသေးခင်ကမှ ဘာစီလိုနာနဲ့ စာချုပ်သစ်ချုပ်ဆိုခဲ့တဲ့ ရော်နယ် အာရူဟိုကို ခေါ်ယူချင်နေပါတယ်။ ယူနိုက်တက်ဟာ ဒီကစားသမား အတွက် ယူရို သန်း ၆၀ (ပေါင်သန်း ၅၀ ဝန်းကျင်) အသုံးပြုဖို့ ရှိနေပေမယ့် ဘာစီလိုနာ ဘက်ကတော့ သေချာပေါက် ပယ်ချသွားဖို့ ရှိနေပါတယ်။ လာလီဂါ ကလပ်ဟာ ဥရုဂွေးသားရဲ့ ပိုမို တောက်ပလာနိုင်ချေ ရှိတဲ့ အနာဂတ်ကြောင့် ယူရို သန်း ၆၀ ဆိုတဲ့ ပမာဏနဲ့တော့ ဘယ်လိုမှ ရောင်းထုတ်သွားမှာ မဟုတ်ပါဘူး။
အက်တလက်တီကိုမက်ဒရစ် ကတော့ ဟူလီယန် အဲလ်ဗာရက်ဇ်နဲ့ တွဲဖက် ကစားဖို့ ဗစ်တာ ယိုကီးရက်စ်နဲ့ ဘင်ဂျာမင် ဆက်စ်ကို တို့ထဲက တစ်ဦးကို ခေါ်ယူဖို့ တခြား အသင်းတွေနဲ့ အပြိုင်အဆိုင် ကြိုးပမ်းလာဖွယ် ရှိနေပါတယ်။ ဒီယေဂို ဆီမြွန်နီရဲ့ အသင်းဟာ အဆိုပါ တိုက်စစ် ကြယ်ပွင့် နှစ်ဦးကို ခေါ်ယူချင်ရင်တော့ အာဆင်နယ်၊ ချဲလ်ဆီး၊ မန်ချက်စတာယူနိုက်တက် တို့နဲ့ ရင်ဆိုင်ရမှာ ဖြစ်ပါတယ်။
ထရန့် အလက်ဇန္တား အာနိုးလ် ကတော့ လစ်ဗာပူးလ် ကနေ ရီးရဲလ်မက်ဒရစ်ကို ပြောင်းရွှေ့မယ်လို့ သတင်းတွေ ခိုင်ခိုင်လုံလုံ ထွက်ပေါ်လာခဲ့ပြီးနောက် ပရိသတ်တွေရဲ့ ဒေါသတကြီး တုန့်ပြန်မှု အတွက် စိတ်မကောင်း ဖြစ်မိကြောင်း ပြောကြားလာခဲ့ပါတယ်။ အာနိုးလ်ဟာ လစ်ဗာပူးလ်ရဲ့ ငယ်မွေး ခြံပေါက် ကစားသမား ဖြစ်ပြီးတော့ ဘယ်တော့မှ အသင်းပြောင်းမှာ မဟုတ်ကြောင်း ပြောကြားထားခဲ့လို့ ပရိသတ်တွေ အနေနဲ့ ပိုပြီး မကျေမနပ် ဖြစ်နေခဲ့ရတာပါ။
ပရီးမီးယားလိဂ် ကလပ် အက်စတွန်ဗီလာ ကတော့ ရီးရဲလ်မက်ဒရစ်ရဲ့ တူရကီ ကြယ်ပွင့်လေး အာဒါ ဂူလာကို ခေါ်ယူဖို့ ကြိုးပမ်းလျက် ရှိကြောင်း သိရပါတယ်။ တူရကီ မက်ဆီလို့ နာမည်ကြီးတဲ့ ဒီကစားသမားဟာ ရီးရဲလ်မက်ဒရစ်မှာ ပုံမှန် ပွဲထွက်ခွင့် မရတာကြောင့် စိတ်ပျက်နေသလို အသင်း ဘက်ကလည်း အငှားချဖို့ အတွက် စီစဉ်လျက် ရှိနေပါတယ်။
ပီအက်စ်ဂျီရဲ့ ဂါဗီကို ခေါ်ယူဖို့ ကြိုးပမ်းမှုကို ဘာစီလိုနာ ဥက္ကဋ္ဌ ယိုအန် လာပေါ်တာက ချက်ချင်းပဲ ပယ်ချလိုက်တယ်လို့ သိရပါတယ်။ လာမာစီယာ အကယ်ဒမီထွက် ကစားသမား အတွက် ယူရို သန်း ၁၀၀ နဲ့ ကမ်းလှမ်းရင်တောင် လက်ခံမှာ မဟုတ်ကြောင်း အခိုင်အမာ ပြောဆိုခဲ့ပါတယ်။
အကယ်၍ ကာလို အန်ဆယ်လော့တီ အနေနဲ့ အခုနွေရာသီမှာ ရီးရဲလ်မက်ဒရစ် ကနေ ထွက်ခွာမယ် ဆိုရင် ဘာစီလိုနာ ကစားသမားဟောင်း လက်ရှိ ကိုမို နည်းပြ ဆက်စ် ဖာဘရီဂတ်စ်ကို အံ့အားသင့်ဖွယ် ခန့်အပ်ဖို့ စဉ်းစားနေကြောင်း Defensa Central က ဖော်ပြပါတယ်။ နည်းပြ ကာလို အန်ဆယ်လော့တီက လက်ရှိမှာ နည်းပြ လက်မဲ့ ဖြစ်နေတဲ့ ဘရာဇီးလ် လက်ရွေးစင် အသင်းနဲ့ သတင်းတွေ ကျယ်ကျယ်လောင်လောင် ထွက်ပေါ်နေပါတယ်။
ပရီးမီးယားလိဂ် ကလပ် ဘရန့်ဖို့ဒ်၊ လက်စတာစီးတီး၊ ဝုဗ် တို့ကတော့ Deportivo La Coruna ရဲ့ အရည်အသွေး ရှိတဲ့ တိုက်စစ်မှူး ရီရယ်မေကို ခေါ်ယူဖို့ စိတ်ဝင်စားနေကြောင်း သိရပါတယ်။ ဝက်စ်ဟမ်း ကတော့ အခုနွေရာသီမှာ မိုဟာမက် ကူဒု့စ်နဲ့ လမ်းခွဲဖို့ ပြင်ဆင်နေပြီ ဖြစ်ကြောင်း သိရပါတယ်။ ကူဒု့စ်ကို အာဆင်နယ်၊ လစ်ဗာပူးလ်နဲ့ တော့တင်ဟမ်ဟော့စပါး တို့က ဆက်တိုက် ချိတ်ဆက်နေပြီး ပေါင် ၈၅ သန်းတန် စာချုပ်ဖျက်သိမ်းကြေး ရှိနေသူလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
