ပွဲကြိုသုံးသပ်ချက် | ဆောက်သမ်တန် – ချဲလ်ဆီး (ပရီးမီးယားလိဂ်)

ဆောက်သမ်တန် – ချဲလ်ဆီး

ပရီးမီးယားလိဂ် ပွဲစဉ် (၅) ရဲ့ နောက်ထပ် ပွဲစဉ် တစ်ပွဲ မှာတော့ ချဲလ်ဆီးတို့ ဆောက်သမ်တန်ကို စိန့်မေရီ ကွင်းမှာ သွားရောက် ရင်ဆိုင်ရဖို့ ရှိနေပါတယ်။ အစဉ်အလာအရ စိန့်မေရီမှာ ကစားတိုင်း ချဲလ်ဆီးတို့ ရလဒ်ကောင်းတတ်ပေမယ့် စိန့်ရဲ့ လက်ရှိ ခြေစွမ်းကြောင့် အခုတစ်ကြိမ် တွေ့ဆုံမှု မှာတော့ တူချယ်ရဲ့ အသင်း အနိုင် ၃ မှတ် ရဖို့ ကျိန်းသေပေါက် ရုန်းကန်ရဖို့တော့ ရှိနေပါတယ်။

ဆောက်သမ်တန် တို့ ပရီးမီးယားလိဂ် ပွဲစဉ် ၄ ပွဲ ကစားပြီးချိန်မှာ နိုင်ပွဲ ၁ ပွဲသာ ရထားပြီး ၁ ပွဲ သရေ၊ ၂ ပွဲ ရှုံး ရမှတ် ၄ မှတ်နဲ့ အဆင့် ၁၃ နေရာမှာ ရပ်တည်နေပါတယ်။ အဖွင့်ပွဲမှာစပါးကို ဂိုးပြတ် အရေးနိမ့်ပြီးနောက် ဟတ်ဆန်ဟတ်တဲလ်ရဲ့ အသင်း ခြေစွမ်းက တစ်ပွဲထက် တစ်ပွဲ ပိုပို တိုးတက်လာတယ်လို့ ပြောလို့ ရပါတယ်။ ပွဲစဉ် (၂) မှာ ခြေစွာနေတဲ့ လိဒ်စ်က နောက်က လိုက်ကစားပြီး သရေ ၁ မှတ် ရအောင် ယူနိုင်ခဲ့သလို တပ်ပျက်နေတဲ့ လက်စတာစီးတီး ကိုလည်း အဝေးကွင်းမှာ အနိုင်ရအောင် ကစားထားခဲ့ပါတယ်။

နောက်ဆုံးပွဲမှာ ယူနိုက်တက်ကို ရှုံးနိမ့်ခဲ့ရပေမယ့် ခြေစွမ်းပိုင်း အရ လက်ရှိ လူစာရင်းနဲ့ ဆိုရင်တော့ အားရစရာ အခြေအနေမှာ ရှိနေတယ်လို့ ပြောလို့ ရပါတယ်။ ဒါပေမယ့် တိုက်စစ် အဆုံးသတ် အားနည်းချက်တွေ ရှိနေသလို အတွေ့အကြုံ ရင့်တဲ့ ပြိုင်ဘက် ခံစစ်မှူးတွေနဲ့ တွေ့ရင် စိန့်ရဲ့ တိုက်စစ်က သိသိသာသာ အားနည်းသွားတတ်ပါတယ်။ အခုပွဲ ကိုတော့ လစ်ဗရာမန်တို တစ်ဦးပဲ လွဲချော်ဖို့ ရှိနေပြီး စိန့်တို့ အတောင့်တင်းဆုံး လူစာရင်းနဲ့ ချဲလ်ဆီးကို ရင်ဆိုင်သွားမယ့် သဘောရှိပါတယ်။

ချဲလ်ဆီး ကတော့ နည်းပြ သောမက် တူချယ် ရာသီ မစတင်ခင် ကြိုတင် စကား ပုလ္လင် ခံထားသလိုပဲ သိပ်ပြီး အဆင်သင့် မဖြစ်သေးပုံပါပဲ။ ပရီးမီးယားလိဂ် ပွဲစဉ် (၄) ပြီးတဲ့ အချိန်ထိ ချဲလ်ဆီးကို စပါးနဲ့ ပွဲမှာပဲ အားရစရာ ခြေစွမ်း အပြည့်နဲ့ မြင်တွေ့ရပါသေးတယ်။ မန်ဒီနဲ့ ခံစစ်မှူးတွေ အမှားများနေပြီး တိုက်စစ် ကလည်း စတာလင် တစ်ဦးတည်းနဲ့ မလုံလောက်ဘူး ဆိုတာ ရဂိုး ၅ ဂိုး၊ ပေးဂိုး ၆ ဂိုး ဆိုတဲ့ အချက်က ထောက်ပြနေပါတယ်။ ဒါပေမယ့် လက်စတာစီးတီးနဲ့ ပွဲမှာ ပွဲချိန် မိနစ် ၇၀ လောက် တစ်ယောက်လျော့နဲ့ ကစားပြီး အနိုင် ၃ မှတ် ယူနိုင်ခဲ့တဲ့ ချဲလ်ဆီးရဲ့ စွမ်းဆောင်ရည် ကတော့ ချီးကျူးစရာပါ။ စတာလင်လည်း ချဲလ်ဆီးနဲ့ အတူ ပရီးမီးယားလိဂ် သွင်းဂိုးတွေ စတင် ရရှိခဲ့တာကြောင့် ကိုယ့်ကိုယ်ကို ယုံကြည်မှု ပြန်ရသွားပုံ ပေါ်ပါတယ်။ အခုပွဲမှာ အဓိက ဗဟိုခံစစ်မှူး ကူလီဘာလီ ပြန်ပါလာဖို့ ရှိတာက တူချယ် အတွက် အနည်းငယ် ရင်အေးစရာ ဖြစ်ပေမယ့် အနီကတ် ထိထားတဲ့ ဂယ်လာဂါ ကတော့ လွဲချော်မှာ ဖြစ်ပါတယ်။ ဒါ့အပြင် ကန်တေ ကလည်း ဒဏ်ရာကြောင့် ကစားနိုင်မှာ မဟုတ်သလို မားကို့စ် အလွန်ဆို ကတော့ ပုဂ္ဂိုလ်ရေး အကြောင်းပြချက်နဲ့ ပါဝင်လာမှာ မဟုတ်ပါဘူး။

 

ဖြစ်နိုင်ဖွယ် လူစာရင်း

ဆောက်သမ်တန် – ဘာဇူနူ၊ ဝေါ်ကာ-ပီတာစ်၊ ဘယ်လာ ကော့ချပ်၊ ဆယ်လီဆူ၊ ဒီဂျန်ပို၊ လာဗီရာ၊ ဝက်ဒ်ပရောက်စ်၊ အဲလ်ယွန်နူဆီ၊ အမ်းစတောင်း၊ အာရီဘို၊ အဒမ်စ်
ချဲလ်ဆီး – မန်ဒီ၊ ဆေးလ်ဗား၊ ကူလီဘာလီ၊ ဂျော်ဂျင်ဟို၊ လော့ဖ်တပ်စ်ချိခ်၊ ဂျော်ဂျင်ဟို၊ ချေးဝဲလ်၊ မောင့်၊ စတာလင်၊ ဟာဗက်ဇ်

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ပြိုင်ပွဲစုံ တွေ့ဆုံမှု နောက်ဆုံး အကြိမ် ၂၀ မှာ ဆောက်သမ်တန်က ၂ ကြိမ် နိုင်ပြီး ချဲလ်ဆီးက ၁၃ ကြိမ် အထိ အနိုင်ရထားခဲ့ပါတယ်။ စိန့်မေရီမှာ ကစားခဲ့တဲ့ နောက်ဆုံး ၇ ကြိမ် မှာလည်း ချဲလ်ဆီးတို့ ၆ ကြိမ် အနိုင်ရခဲ့ပြီး တစ်ပွဲကို အနည်းဆုံး ၂ ဂိုးနှုန်း သွင်းနိုင်ခဲ့ပါတယ်။ ပြီးခဲ့တဲ့ ရာသီက ပရီးမီးယားလိဂ် နှစ်ကျော့စလုံးနဲ့ ခရာဘောင် ဖလား စတုတ္ထအဆင့်မှာ ချဲလ်ဆီးတို့ အနိုင်ရထားခဲ့ပြီး ဂိုးလည်း မြူးခဲ့ပါတယ်။

 

လောင်းကစားဆိုင်ရာ အကြံပြုချက်များ

SBOTOP 1X2 မှာ ဆောက်သမ်တန် အနိုင် အတွက် ၅.၀၀ ဆ၊ ချဲလ်ဆီး အနိုင် ဆိုရင် ၁.၅၇ ဆ၊ သရေ အတွက် ကတော့ ၄.၂၀ ဆ ဆိုပြီး ကြေးဖွင့်ပေးထားတာ တွေ့ရပါတယ်။ လက်ရှိ ခြေစွမ်းကြောင့် ချဲလ်ဆီးတို့ စိန့်ကို အရင်လို လွယ်လွယ်ကူကူ အနိုင်ရဖို့ မဖြစ်နိုင်ပါဘူး။ စတာလင် ဂိုးစသွင်းနေပေမယ့် ချဲလ်ဆီးတို့ အဆုံးသတ် သေချာတဲ့ အထောင် တိုက်စစ်မှူး တစ်ဦး လိုအပ်နေဆဲပါ။ ဒီတစ်ကြိမ်တော့ သွင်းဂိုး နည်းနိုင်ပြီး ချဲလ်ဆီးတို့ ကပ်နိုင်သွားမယ်ထင်ပါတယ်။ ၁.၅၇ ဆ ကို မက်မောတာက စိတ်အချရဆုံးပါ။

 

ခန့်မှန်းရလဒ်

ဆောက်သမ်တန် ၀-၁ ချဲလ်ဆီး

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.