ပရီးမီးယားလိဂ် ကလပ် မန်ချက်စတာယူနိုက်တက် ကွင်းလယ်လူ ဘရူနို ဖာနန်ဒက်စ် ကိုတော့ ရီးရဲလ်မက်ဒရစ်က လာမယ့် နွေရာသီမှာ ခေါ်ယူချင်နေကြောင်း သတင်းတွေ ထွက်ပေါ်နေပါတယ်။ ဒီအချိန်မှာ ယူနိုက်တက် နည်းပြ ရူဘင် အမော်ရင်က အသင်းခေါင်းဆောင် ဘရူနို ဖာနန်ဒက်စ်ကို လာမယ့် နွေရာသီမှာ အသင်း ကနေ ထွက်ခွာခွင့်ပေးသွားမှာ မဟုတ်ကြောင်း ဖွင့်ဟ ပြောကြားလာခဲ့တာ ဖြစ်ပါတယ်။
ယူနိုက်တက်ဟာ ဒီခုရာသီမှာ ရုန်းကန်နေရပေမယ့်လည်း ပေါ်တူဂီ ကွင်းလယ်လူ ဘရူနို ဖာနန်ဒက်စ် ကတော့ အသင်း အတွက် ခြေစွမ်းပြနေသူ ဖြစ်ပါတယ်။ ဘရူနိုက အသင်း အတွက် ဒီရာသီမှာ ပြိုင်ပွဲစုံ ၄၅ ပွဲ ကစားပြီး ၁၆ ဂိုး သွင်းယူကာ ဂိုးဖန်တီးမှု ၁၆ ကြိမ် ပြုလုပ်ပေးထားပါတယ်။ ဒါကြောင့် သူ့ကို ခေါ်ယူဖို့ လာလီဂါ ထိပ်သီး ရီးရဲလ်မက်ဒရစ်က အဓိက စောင့်ကြည့်နေပြီးတော့ လာမယ့် နွေရာသီ အပြောင်းအရွှေ့မှာ ပေါင် သန်း ၉၀ နဲ့ ကမ်းလှမ်းဖို့ အသင့်ရှိနေကြောင်း အခု တစ်ပတ် အတွင်း သတင်းတွေ ကျယ်ကျယ်လောင်လောင် ထွက်ပေါ်နေခဲ့တာ ဖြစ်ပါတယ်။
ဒါပေမယ့်လည်း ပရီးမီးယားလိဂ် ကလပ် ယူနိုက်တက် နည်းပြ ရူဘင် အမော်ရင် ကတော့ သူတို့ အနေနဲ့ ဘရူနို ဖာနန်ဒက်စ်ကို ရောင်းထုတ်သွားမှာ မဟုတ်ကြောင်း ပြောကြားခဲ့တာ ဖြစ်ပါတယ်။ အမော်ရင်က “ဘရူနို ဖာနန်ဒက်စ်ကို မရောင်းပါဘူး။ သူက ကျွန်တော်တို့ လိုချင်တဲ့ ကစားသမားပါ။ သူ ဘယ်ကိုမှ ပြောင်းမှာ မဟုတ်ပါဘူး။ ဘာဖြစ်လို့လဲ ဆိုတော့ သူ့ကို ကျွန်တော် မရောင်းဘူးလို့ ပြောထားပြီးသားပါ။ သူက အသက် ၃၀ ရှိနေပေမယ့် ရာသီတိုင်း ၅၅ ပွဲ ကစားနေသူ ဖြစ်တာကြောင့် ငယ်သေးတယ်လို့ ပြောရပါမယ်။ ပြီးတော့ သူက ရာသီတိုင်း သွင်းဂိုးနဲ့ ဂိုးဖန်တီးမှု နှစ်ခုပေါင်း အနည်းဆုံး ၃၀ လောက် ပြုလုပ်နိုင်သူပါ။ သူက ဒီမှာ ကျွန်တော်တို့ ရှိနေစေချင်တဲ့ ကစားသမားမျိုးပါ။” လို့ ပြောကြားခဲ့ပါတယ်။
ဘရူနို ဖာနန်ဒက်စ်ဟာ မန်ချက်စတာယူနိုက်တက်နဲ့ ချုပ်ဆိုထားတဲ့ စာချုပ်အရ လာမယ့် ၂၀၂၇ ခုနှစ်မှာ သက်တမ်း ကုန်ဆုံးမှာ ဖြစ်ပြီးတော့ တစ်နှစ် ထပ်မံ သက်တမ်း တိုးခွင့် ရှိတယ် ဆိုတဲ့ အချက်လည်း ပါဝင်ကြောင်း သိရပါတယ်။ အမော်ရင် အနေနဲ့ ပရီးမီးယားလိဂ် ချန်ပီယံဆု ပြန်လည် ရယူဖို့ အတွက်လည်း ဘရူနို ဖာနန်ဒက်စ်လို ကစားသမားမျိုး လိုအပ်ကြောင်းလည်း ပြောကြားထားခဲ့ပါသေးတယ်။
ဆက်လက်ပြီး အမော်ရင်က “ကျွန်တော် တို့က ပရီးမီးယားလိဂ် ချန်ပီယံဆုကို ပြန်လိုချင်တာပါ။ အဲဒီ အတွက် အကောင်းဆုံး ကစားသမားတွေကို ကျွန်တော် တိုနဲ့ အတူ ဆက်ရှိနေစေချင်ပါတယ်။ လက်ရှိမှာ ကျွန်တော် တို့က အရာရာကို ထိန်းချုပ်ထားပြီး ဘရူနိုလည်း ဒီမှာ ပျော်နေတယ်လို့ ကျွန်တော် ခံစားရပါတယ်။” လို့ ပြောကြားသွားခဲ့ပါတယ်။
လက်ရှိမှာ မန်ချက်စတာယူနိုက်တက်က ပရီးမီးယားလိဂ် အမှတ်ပေးဇယား အဆင့် ၁၃ နေရာမှာ ရပ်တည်နေပြီး ဥရောပဝင်ခွင့်ရဖို့ ကတော့ မဖြစ်နိုင်တဲ့ အခြေအနေ ဖြစ်ပါတယ်။ ဒါပေမယ့်လည်း ယူနိုက်တက်ဟာ ယူရိုပါလိဂ်မှာ ကွာတားဖိုင်နယ် အဆင့်ကို ရောက်ရှိနေပြီး ချန်ပီယံဆု ကိုသာ ရယူနိုင်မယ် ဆိုရင်တော့ လာမယ့် ရာသီ ချန်ပီယံလိဂ် ဝင်ခွင့် ရရှိနိုင်မှာလည်း ဖြစ်ပါတယ်။ ယူနိုက်တက်ဟာ ပရီးမီးယားလိဂ် လက်ကျန် ပွဲစဉ်တွေ အဖြစ် မန်စီးတီး၊ နယူးကာဆယ်၊ ဝုဗ်၊ ဘုန်းမောက်၊ ဘရန့်ဖို့ဒ်၊ ဝက်စ်ဟမ်း၊ ချဲလ်ဆီး၊ အက်စတွန်ဗီလာ တို့နဲ့ ယှဉ်ပြိုင်ကစားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
