ဒီဇင်ဘာလ ၂၃ ရက်နေ့ မနက်ခင်း ပရီးမီးယားလိဂ် နောက်ဆုံးရ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။
အသင်းကြီး တချို့ရဲ့ ပစ်မှတ် ဖြစ်လာတဲ့ ဒါးလော့တ်
ဘေယန်မြူးနစ်နဲ့ ဂျူဗင်တပ်စ် တို့ဟာ ပရီးမီးယားလိဂ် ကလပ် ယူနိုက်တက်ရဲ့ ညာနောက်ခံလူ ဒီယေဂို ဒါးလော့တ်ကို ခေါ်ယူဖို့ စိတ်ဝင်စားနေတယ်လို့ သတင်းတွေက ဖော်ပြလာပါတယ်။
အသက် ၂၃ နှစ် အရွယ် ပေါ်တူဂီ လက်ရွေးစင်ဟာ ယူနိုက်တက် နည်းပြ အဲရစ်ခ် တန်ဟက်ဂ်ရဲ့ စိတ်ကြိုက် ကစားသမား ဖြစ်နေပြီး လက်ရှိ ဘောလုံးရာသီ အသင်းရဲ့ ခံစစ် ညာအစွန် နေရာ အတွက် ဦးစားပေး ကစားသမားလည်း ဖြစ်နေပါတယ်။
နာမည်ကြီး သတင်းဌာန ဖြစ်တဲ့ Gazzetta dello Sport ရဲ့ ဖော်ပြချက် အရ ဆိုရင် စီးရီးအေ ကလပ် ဂျူဗင်တပ်စ် အသင်းရဲ့ နည်းပြ မက်စ် အယ်လီဂရီ အနေနဲ့ ဒါးလော့တ်ကို ကွာဂရာဒိုရဲ့ နေရာ အတွက် ရေရှည် အစားထိုးဖို့ စိတ်ဝင်စားနေတာ ဖြစ်ကြောင်း သိရပါတယ်။
“စိတ်ဓာတ်ကျတာ မှန်ပေမယ့် ကိုယ့်ကိုကိုယ် ပြန်ဆွဲတင်ဖို့ လိုအပ်တယ်” ရက်ရှ်ဖို့ဒ်
ပရီးမီးယားလိဂ် ကလပ် မန်ချက်စတာယူနိုက်တက် တိုက်စစ်မှူး မားကပ်စ် ရက်ရှ်ဖို့ဒ်က ကမ္ဘာ့ဖလားမှာ ပြင်သစ်ကို ရှုံးနိမ့်ပြီး ပြိုင်ပွဲ ကနေ ထွက်ခဲ့ရလို့ နာကျင်ခံစားရတယ်လို့ ထုတ်ဖော် ပြောကြားလာခဲ့ပါတယ်။
အင်္ဂလန်ဟာ ကမ္ဘာ့ဖလား ၁၆ သင်း အဆင့် အထိ တောက်လျောက် ခြေစွမ်းပြနိုင်ခဲ့ပေမယ့် ကွာတားဖိုင်နယ် မှာတော့ ပြင်သစ်ကို ၂-၁ ရလဒ်နဲ့ အရေးနိမ့်ပြီး ပြိုင်ပွဲ ကနေ ထွက်ခဲ့ရတာပါ။ အဲ့ဒီပွဲမှာ ဆောက်ဂိတ်ရဲ့ အသင်းဟာ ပြင်သစ်ထက် ခြေစွမ်း ပိုကောင်းခဲ့ပေမယ့် ဟယ်ရီကိန်းရဲ့ ပင်နယ်တီ လွဲချော်မှုကြောင့် အချိန်ပိုအထိတောင် မရောက်လိုက်ပဲ အရှုံးပေးခဲ့ရတာ ဖြစ်ပါတယ်။
ရက်ရှ်ဖို့ဒ်က ကွာတားဖိုင်နယ် ကနေ ထွက်ခဲ့ရတာဟာ မေ့ဖျောက်ဖို့ ခက်ခဲပေမယ့် မန်ချက်စတာယူနိုက်တက်ကို ပြန်ရောက်ချိန်မှာ ဂိုးသွင်းနိုင်ခဲ့တဲ့ အတွက်တော့ ကျေနပ်နေပါတယ်။ ယူနိုက်တက်ဟာ မနေ့က ကစားခဲ့တဲ့ ခရာဘောင်ဖလား ပွဲစဉ်မှာ ဘန်လေကို ၂ ဂိုးပြတ်နဲ့ အနိုင်ရရှိခဲ့ပါတယ်။ ဒီပွဲမှာ ရက်ရှ်ဖို့ဒ်က ခြေစွမ်းပြခဲ့ပြီး တစ်ကိုယ်တော် စွမ်းရည်နဲ့ သွင်းဂိုး ၁ ဂိုးလည်း ရယူပေးခဲ့ပါတယ်။
ပွဲအပြီးမှာ ရက်ရှ်ဖို့ဒ်က “ပြန်လာရတာ ကောင်းပါတယ်။ ခက်ခဲတဲ့ ပွဲစဉ် ဖြစ်ပေမယ့် အနိုင်ရလဒ်နဲ့ အတူ နောက်တစ်ဆင့် တက်ခဲ့ပါတယ်။ ရှုံးထွက်ကနေ လှည့်ပြန်လာရလို့ စိတ်ဓာတ်ကျတာ မှန်ပေမယ့် ကိုယ့်ကိုယ်ကို ပြန်ဆွဲတင်ဖို့ လိုအပ်ပါတယ်။ ခံစားနေဖို့ အချိန် မရှိပါဘူး။ ကျနော်တို့ ရလဒ်တွေ ကောင်းအောင် ကြိုးစားရပါမယ်” လို့ ပြောကြားသွားခဲ့တာ ဖြစ်ပါတယ်။
မက်ဆီကို ချီးကျူးလိုက်ပြန်တဲ့ ဂွာဒီယိုလာ
ပရီးမီးယားလိဂ် ထိပ်သီး မန်ချက်စတာစီးတီး အသင်း နည်းပြ ပပ်ဂွာဒီယိုလာက လီယွန်နယ် မက်ဆီဟာ သမိုင်းတလျှောက် ထာဝရ အကောင်းဆုံး ဘောလုံးသမား ဖြစ်တယ်လို့ ချီးကျူးလိုက်ပါတယ်။
အသက် ၃၅ နှစ် အရွယ် ပီအက်စ်ဂျီ တိုက်စစ်မှူးဟာ ဒီကမ္ဘာ့ဖလားမှာ ၇ ပွဲ ကစားပြီး ၇ ဂိုးသွင်းကာ ဂိုးဖန်တီးမှု ၃ ကြိမ် ပြုလုပ်နိုင်ခဲ့ပါတယ်။ ဒါ့အပြင် အာဂျင်တီးနားတို့ ချန်ပီယံ ဖြစ်ရေး အဓိက နေရာက ပါဝင်ခဲ့တဲ့ မက်ဆီဟာ ပြိုင်ပွဲရဲ့ အကောင်းဆုံး ကစားသမားဆုလည်း ရရှိခဲ့ပါတယ်။
မက်ဆီ အနေနဲ့ သူ့ရဲ့ ကစားသမားဘဝမှာ မရဖူးတဲ့ ဆုဖလား မရှိသလောက် ဖြစ်သွားခဲ့ပြီး အခုလက်ရှိ မှာတော့ ဆရာဟောင်း ဖြစ်တဲ့ ဂွါဒီယိုလာက မက်ဆီကို ဘောလုံးသမိုင်းရဲ့ ထာဝရ အကောင်းဆုံး ကစားသမားဆိုပြီး ချီးကျူး ဂုဏ်ပြုခဲ့တာ ဖြစ်ပါတယ်။
ဂွါဒီယိုလာက “လူတိုင်းမှာ မတူညီတဲ့ အမြင် ကိုယ်စီ ရှိကြပါတယ်။ မက်ဆီက ထာဝရ အကောင်းဆုံး ဘောလုံးသမား ဖြစ်တယ် ဆိုတာ ကိုတော့ ငြင်းလို့ မရပါဘူး။ ကျနော့် အတွက် သူက အကောင်းဆုံး ကစားသမား ဖြစ်ပြီး အခုလို အောင်မြင်မှုတွေ ရအောင် ဘယ်လိုများ ကြိုးစားခဲ့သလဲ ဆိုတာ နားလည်ရခက်ပါတယ်။” ဆိုပြီး ချီးကျူးသွားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
