ဇွန်လ ၂၈ ရက်နေ့ အတွက် နောက်ထပ် ရရှိထားသမျှ စိတ်ဝင်စားစရာ ပရီးမီးယားလိဂ် ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီးဟာ ပရီးမီးယားလိဂ် ပြိုင်ဘက် လစ်ဗာပူးလ်ရဲ့ ကွင်းလယ်လူ ဟာဗေး အဲလီယော့တ်ကို တခြား ကလပ်တွေနဲ့ အပြိုင်အဆိုင် ခေါ်ယူချင်နေကြောင်း CaughtOffside က ဖော်ပြပါတယ်။ အဲလီယော့တ်ကို ဘရိုက်တန်က အပြင်းအထန် စိတ်ဝင်စားနေပေမယ့်လည်း အက်စတွန်ဗီလာ၊ နယူးကာဆယ်နဲ့ ဒေါ့မန် တို့က ကစားသမားကို ချဉ်းကပ်နေကြောင်း သိရပါတယ်။
နယူးကာဆယ် ကတော့ အလက်ဇန္တား အိဆက်ခ်ကို အာဆင်နယ်၊ ချဲလ်ဆီးနှင့် မန်ချက်စတာယူနိုက်တက် တို့ရဲ့ စိတ်ဝင်စားမှုတွေ လျော့ကျသွားစေဖို့ အတွက် လုပ်ခလစာ တိုးမြှင့်ပေးသွားဖို့ အသင့် ဖြစ်နေကြောင်း TuttoJuve က ဖော်ပြခဲ့ပါတယ်။ ဒါကြောင့် ငှက်ကြားတွေဟာ ဂျူဗင်တပ်စ် တိုက်စစ်မှူး ဒုဆန် ဗလာဟိုဗစ် အပေါ်မှာ စိတ်ဝင်စားမှု အဆုံးသတ်သွားခဲ့ပြီလည်း ဖြစ်ပါတယ်။
Fanatik ရဲ့ ဖော်ပြချက်အရ ဖီနာဘာချီဟာ မန်ချက်စတာယူနိုက်တက် တောင်ပံကစားသမား ဂျေဒန် ဆန်ချို ကို ခေါ်ယူဖို့ စွန့်လွှတ်လိုက်ပြီ ဖြစ်ကြောင်း သိရပါတယ်။ နည်းပြ ဟိုဆေး မော်ရင်ညိုဟာ ဆန်ချိုကို ယူနိုက်တက်ရဲ့ အနာဂတ် အစီအစဉ်ထဲ ဘာကြောင့် မထည့်ခဲ့သလဲ ဆိုတာ အမော်ရင်ထံ စုံစမ်းခဲ့ပြီးနောက် သူ့ရဲ့ ဆုံးဖြတ်ချက်ကို ပြင်ဆင်လိုက်တာ ဖြစ်ပါတယ်။
နာပိုလီဟာ အူဒီးနီးစ် တိုက်စစ်မှူး လော်ရန်ဇို လူကာကို ခေါ်ယူဖို့ သဘောတူညီမှု ရရှိခဲ့ပေမယ့်လည်း လစ်ဗာပူးလ် တိုက်စစ်မှူး ဒါဝင် နူညက်ဇ်ကို ခေါ်ယူဖို့ အပြည့်အဝ အာရုံစိုက်ရန် ဆုံးဖြတ်ခဲ့ကြောင်း Radio Kiss Kiss Napoli က ဖော်ပြခဲ့ပါတယ်။
ဘီလ်ဘာအို တောင်ပံ ကစားသမား နီကို ဝီလီယမ်စ်ကို ခေါ်ယူနိုင်ခဲ့ခြင်း မရှိခဲ့တဲ့နောက် အာဆင်နယ်ဟာ ဒေါ့မန်က ကာရင်မ် အဒီယီမီကို ခေါ်ယူဖို့ စဉ်းစားနေကြောင်း Fichajes က ဖော်ပြပါတယ်။ ဒေါ့မန် ကတော့ ဒီကစားသမားကို ရောင်းချဖို့ စိတ်အားထက်သန်ခြင်း မရှိပေမယ့်လည်း ဘွန်ဒက်စ်လီဂါ ကလပ် အနေနဲ့ ထူးခြားတဲ့ ကမ်းလှမ်းမှုတွေ ရှိလာရင်တော့ လက်ခံ စဉ်းစားသွားမယ်လို့ သိရပါတယ်။
ချဲလ်ဆီး နည်းပြ အန်ဇို မာရက်စကာ ကတော့ အပြောင်းအရွှေ့ အတွက် ညှိနှိုင်းမှုတွေ ပြုလုပ်နေတဲ့ ဂိုးသမား ဒေါ်ဒီ ပီထရိုဗစ်ကို လူစာရင်း ကနေ ထုတ်ပယ်လိုက်ကြောင်း သိရပါတယ်။ Yağız Sabuncuoğlu ရဲ့ ဖော်ပြချက်အရ ချဲလ်ဆီး နည်းပြဟာ ဂါလာတာဆာရေးရဲ့ ပစ်မှတ်ကို တတ်နိုင်သမျှ အမြန်ဆုံး ရောင်းထုတ်ချင်နေကြောင်း သိရပါတယ်။
ချဲလ်ဆီး ကနေ ထွက်ခွာမယ့် နောက်ထပ် ကစားသမား ကတော့ ပေါ်တူဂီ လက်ရွေးစင် ယာအို ဖီးလစ် ဖြစ်ပါတယ်။ ဆော်ဒီအာရေဗျ ကလပ်တွေ ကတော့ ဒီကစားသမားကို ခေါ်ယူဖို့ စီစဉ်နေကြောင်း BBC Sport က ဖော်ပြထားပါတယ်။
တော့တင်ဟမ်ဟော့စပါး ကတော့ ခရစ္စတယ်ပဲလေ့စ် တောင်ပံ ကစားသမား အီဘာရီချီ အီးဇီးရဲ့ ပြောင်းရွှေ့ကြေး ပေါင် ၆၈ သန်းကို ပေးချေဖို့ အဆင်သင့် ဖြစ်နေကြောင်း TEAMtalk က ဖော်ပြပါတယ်။ ဒီအင်္ဂလန် ကစားသမား ကိုတော့ စပါးရဲ့ မြို့ခံ ပြိုင်ဘက် အာဆင်နယ် ကလည်း ခေါ်ယူချင်နေပြီးတော့ ပထမပစ်မှတ် ရိုဒရီဂိုကို မရရင် အီးဇီးကို ခေါ်ယူဖို့ လျာထားကြောင်းလည်း သိရပါတယ်။ ဒါ့အပြင် အီးဇီး ကိုယ်တိုင် ကလည်း သူ့ရဲ့ ပရီးမီးယားလိဂ် ကလပ်ဟောင်းဆီ ပြန်လည် ပြောင်းရွှေ့ချင်နေကြောင်း သတင်းတွေ ထွက်ပေါ်နေပါတယ်။
မန်ချက်စတာစီးတီး ကတော့ လူငယ်နောက်ခံလူ ကော်လမ် ဒွိုင်းလ်ကို ယူရို ၁၅ သန်း (ပေါင် ၁၂.၈ သန်း) ရောင်းချဖို့ အတွက် စဉ်းစားထားကြောင်း Tuttomercatoweb က ဖော်ပြခဲ့ပါတယ်။ ဒီကစားသမားကို အူဒီးနီးစ်က ခေါ်ယူဖို့ စိတ်အားထက်သန်နေပေမယ့်လည်း မန်စီးတီးရဲ့ တောင်းဆိုမှု ကိုတော့ လိုက်မီဖို့ မဖြစ်နိုင်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
