ပရီးမီးယားလိဂ် ကလပ် အာဆင်နယ် အားကစား ဒါရိုက်တာသစ် အန်ဒရီယာ ဘာတာ ကတော့ လာမယ့် နွေရာသီ အပြောင်းအရွှေ့မှာ ကစားသမား ၁၁ ဦး အထိ ရောင်းထုတ်ဖို့ အဓိက ကြိုးပမ်းသွားရမယ်လို့ သိရပါတယ်။ အာဆင်နယ် တာဝန်ရှိသူတွေ အနေနဲ့ နည်းပြ မီခဲလ် အာတေးတား နေရာမပေးလိုတဲ့ ကစားသမားတွေနဲ့ ခြေစွမ်းမပြနိုင်တဲ့ ကစားသမားတွေကို ရောင်းထုတ်ဖို့ စီစဉ်နေတာ ဖြစ်ပါတယ်။ သတင်းတွေ အရ ဆိုရင်တော့ အာဆင်နယ်က ရှင်းထုတ်ချင်တဲ့ ကစားသမား စုစုပေါင်းဟာ ၁၁ ဦး အထိ ရှိနေတယ်လို့လည်း သိရပါတယ်။
အန်ဒရီယာ ဘာတာ ကတော့ အာဆင်နယ် အတွက် ထိပ်တန်း တိုက်စစ်မှူး တစ်ဦး အပါအဝင် အသင်း အတွက် လိုအပ်နေတဲ့ နေရာစုံက ကစားသမားသစ်တွေ ကိုလည်း ခေါ်ယူပေးရမှာ ဖြစ်ပါတယ်။ ဒါကြောင့် အားကစားဒါရိုက်တာသစ် အန်ဒရီယာ ဘာတာနဲ့ အာဆင်နယ် အတွက် အလုပ်များတဲ့ နွေရာသီ အပြောင်းအရွှေ့ ကာလ ဖြစ်လာဖို့တော့ ရှိနေပါတယ်။ အာဆင်နယ်ဟာ လာမယ့် နွေရာသီ အပြောင်းအရွှေ့မှာ ပေါင်သန်း ၃၀၀ အထိ သုံးစွဲသွားဖို့ ရှိနေကြောင်းလည်း သတင်းတွေ ထွက်ပေါ်ခဲ့ပြီး ဖြစ်ပါတယ်။ ဒါ့အပြင် ဒီငွေကြေး ပမာဏကို သုံးစွဲပြီး ပရီးမီးယားလိဂ် ကလပ်က ကစားသမားသစ် ၇ ဦး အထိ ခေါ်ယူဖို့ ပြင်ဆင်ထားကြောင်း သိရပါတယ်။
အက်တလက်တီကိုမက်ဒရစ်မှာ ဆယ်စုနှစ် တစ်ခုကျော် အကြာ ဖြတ်သန်းခဲ့တဲ့ အီတလီသား ကတော့ လာလီဂါ ကလပ်မှာ ထိပ်တန်း ကစားသမား များစွာကို ခေါ်ယူတာ၊ ရောင်းထုတ်တာတွေကို ဆောင်ရွက်နိုင်ခဲ့တဲ့ အတွက် ကျော်ကြားလာခဲ့သူ ဖြစ်ပါတယ်။ အာဆင်နယ် နည်းပြ မီခဲလ် အာတေးတား ကလည်း အသက် ၅၃ နှစ် အရွယ် အားကစား ဒါရိုက်တာသစ် ဘာတာနဲ့ လက်တွဲ လုပ်ဆောင်ရမယ့် အပေါ် စိတ်လှုပ်ရှားချက် ရှိကြောင်း ဖွင့်ဟထားပါတယ်။
ဘာတာက အာဆင်နယ် အတွက် အရန် ဂိုးသမား၊ ဘယ်နောက်ခံလူ၊ ကွင်းလယ် ခံစစ်၊ ဘယ်တောင်ပံ၊ တိုက်စစ်မှူးနဲ့ ဆာကာ အတွက် အရန် ကစားသမားတွေ အပြင် ဘက်စုံသုံးနိုင်တဲ့ ကွင်းလယ် ကစားသမား တစ်ဦး ကိုပါ ခေါ်ယူသွားဖို့ စီစဉ်နေတာ ဖြစ်ပါတယ်။
အာဆင်နယ်က လာမယ့် နွေရာသီမှာ ကြီးမားတဲ့ ပြင်ဆင်မှုတွေ ပြုလုပ်သွားဖို့ ရှိနေပြီး အတန်ကြာ ဝေးကွာနေတဲ့ အဓိက ဆုဖလား အောင်မြင်မှုတွေကို ပြန်လည် ရှာဖွေဖို့ မျှော်လင့်ထားတာ ဖြစ်ပါတယ်။ အန်ဒရီယာ ဘာတာဟာ ထက်မြတ်တဲ့ အားကစား ဒါရိုက်တာ တစ်ဦး ဖြစ်ပြီး သူ့ကို ခေါ်ယူနိုင်ခဲ့တဲ့ အာဆင်နယ် အနေနဲ့ ကစားသမား ခေါ်ယူမှုတွေမှာ ဘယ်လောက် အထိ သက်ရောက်မှုတွေ ရှိလာနိုင်မလဲ ဆိုတာ စောင့်ကြည့်ချင်စရာပါ။ နည်းပြ မီခဲလ် အာတေးတား အနေနဲ့ ပြီးခဲ့တဲ့ နှစ်ပိုင်းတွေ အတွင်းမှာ တဆင့်ချင်း တည်ဆောက်လာခဲ့ပေမယ့် အာဆင်နယ်က အဓိက ပြိုင်ဘက်တွေနဲ့ လူစာရင်းချင်း ယှဉ်ရင်တော့ တစ်ဆင့် နိမ့်နေပါသေးတယ်။ သတင်းတွေ အရ ဆိုရင်တော့ အာဆင်နယ် အသင်း ပိုင်ရှင် ခရွန်ကီ မိသားစုက အာဆင်နယ်ကို အင်္ဂလန်နဲ့ ဥရောပမှာ ဆုဖလားတွေ အတွက် ယှဉ်ပြိုင်နိုင်တဲ့ အသင်း ဖြစ်လာဖို့ လိုလားနေကြောင်း သိရပါတယ်။
အာဆင်နယ် ကတော့ လက်ရှိမှာ ပရီးမီးယားလိဂ် အမှတ်ပေးဇယား အဆင့် ၂ နေရာမှာ ရပ်တည်နေပြီး ၃ ရာသီဆက် ချန်ပီယံဆုနဲ့ အနီးဆုံး ရောက်ပြီးမှ လွဲချော်ဖို့ များနေပြီလည်း ဖြစ်ပါတယ်။ တစ်ဖက် မှာတော့ အာဆင်နယ်က ချန်ပီယံလိဂ် ကွာတားဖိုင်နယ်ကို နှစ်နှစ်ဆက် တက်လှမ်းထားနိုင်ပြီးတော့ ရီးရဲလ်မက်ဒရစ်နဲ့ တွေ့ဆုံနေခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
