ဘရာဇီးလ် တောင်ပံ တိုက်စစ် ကစားသမား ရိုဒရီဂို ကတော့ ဖီဖာ ကလပ် ကမ္ဘာ့ဖလား အပြီးမှာ လာလီဂါ ကလပ် ရီးရဲလ်မက်ဒရစ်နဲ့ လမ်းခွဲဖို့ ဆန္ဒရှိနေကြောင်း သတင်းတွေက ဖော်ပြလာခဲ့ပါတယ်။ ရီးရဲလ်မက်ဒရစ် နည်းပြ ဇာဘီ အလွန်ဆိုဟာ ရိုဒရီဂိုကို ဒီနွေရာသီမှာ ရောင်းချဖို့ လမ်းဖွင့်ထားကြောင်း သတင်းတွေ ထွက်ပေါ်ခဲ့အပြီးမှာတော့ ရိုဒရီဂိုရဲ့ ဆုံးဖြတ်ချက် ပြောင်းလဲသွားတဲ့ သဘောရှိပါတယ်။
ရိုဒရီဂိုဟာ လာလီဂါ ကလပ်မှာ ပုံမှန် ပွဲထွက်ခွင့် ရဖို့ အခွင့်အရေး နည်းပါးလာသလို၊ နည်းပြ အပြောင်းအလဲကြောင့် အနာဂတ် မရေရာတော့တဲ့ အတွက် လမ်းခွဲဖို့ လိုလားနေတာလည်း ဖြစ်ပါတယ်။ ရီးရဲလ်မက်ဒရစ်ရဲ့ နည်းပြသစ် ဇာဘီ အလွန်ဆိုဟာ ဖီဖာ ကလပ် ကမ္ဘာ့ဖလား ပြိုင်ပွဲ မတိုင်ခင်က ရိုဒရီဂိုဟာ အသင်းအတွက် အရေးပါတဲ့ ကစားသမား တစ်ဦး ဖြစ်ကြောင်း ပြောကြားခဲ့သေးတာပါ။ ဒါပေမယ့်လည်း ဒီပြိုင်ပွဲမှာ ဂွန်ဇာလို ဂါစီယာက တောက်လျောက် ခြေစွမ်းပြနိုင်နေတာကြောင့် ရိုဒရီဂို တစ်ယောက် သင့်တော်တဲ့ ကမ်းလှမ်းမှု ရရှိရင် အသင်းက ရောင်းထုတ်ခြင်း ခံရဖို့ ရှိနေပြီလည်း ဖြစ်ပါတယ်။
ဒါကြောင့် ရိုဒရီဂိုရဲ့ အေးဂျင့် ဖြစ်သူ ကလည်း အပြောင်းအရွှေ့ အတွက် စတင် ဆောင်ရွက်နေပြီး ရိုဒရီဂိုကို ခေါ်ယူချင်တဲ့ အသင်းတွေထဲ မှာတော့ အာဆင်နယ်၊ ဘေယန်မြူးနစ်၊ မန်ချက်စတာစီးတီးနဲ့ ပီအက်စ်ဂျီတို့ ပါဝင်နေပါတယ်။ ဒီအထဲကမှ အာဆင်နယ်က ရိုဒရီဂိုကို ခေါ်ယူဖို့ စိတ်ဝင်အစားဆုံး ဖြစ်နေပြီး အစောပိုင်းထဲက ချဉ်းကပ်မှုတွေ ရှိနေခဲ့တာ ဖြစ်ပါတယ်။
အာဆင်နယ်ဟာ ဒီနွေရာသီမှာ ရိုဒရီဂိုကို ခေါ်ယူနိုင်ဖို့ တော်လျောက် ချဉ်းကပ်နေပြီးတော့ ကစားသမားရဲ့ ကိုယ်စားလှယ်တွေနဲ့လည်း အကြိုဆွေးနွေးမှုတွေ ပြုလုပ်ထားပါတယ်။ ဒါပေမယ့်လည်း အာဆင်နယ် အနေနဲ့ လာလီဂါ ကလပ် ဘက်က စိတ်ဝင်စားနိုင်မယ့် စွဲဆောင်မှုရှိတဲ့ ကမ်းလှမ်းမှုမျိုး ပြလုပ်နိုင်ဖို့တော့ လိုအပ်နေဆဲ ဖြစ်ပါတယ်။ သတင်းတွေ အရ ဆိုရင် ရိုဒရီဂိုရဲ့ လက်ရှိ ဈေးကွက် တန်ကြေးက ယူရို သန်း ၉၀ (ပေါင် ၇၇.၇ သန်း) ရှိနေတယ်လို့ သိရပါတယ်။ ဒါပေမယ့်လည်း အာဆင်နယ်ကသာ တကယ် ခေါ်ချင်ရင် ဒါမှမဟုတ် ကစားသမား ကသာ ရီးရဲလ်မက်ဒရစ် ကနေ ထွက်ခွာချင်တာ အမှန်တကယ် သေချာရင်တော့ ဖြစ်နိုင်ချေ ရှိတဲ့ အပြောင်းအရွှေ့ ဖြစ်ပါတယ်။ ဒါနဲ့ ပတ်သတ်လို့လည်း အာဆင်နယ်နဲ့ နီးစပ်တဲ့ အသိုင်းအဝိုင်း ကနေ မကြာခဏ ကြားသိထားရပြီး ဖြစ်ပါတယ်။
ရိုဒရီဂိုဟာ ရီးရဲလ်မက်ဒရစ်နဲ့ ၆ နှစ်တာ ကာလ အတွင်း ကောင်းမွန်တဲ့ ရာသီတွေကို ဖြတ်သန်းခဲ့ရပေမယ့် တခြားသော စူပါစတား ကစားသမားတွေနဲ့ ယှဉ်ရင်တော့ ရုန်းကန်ခဲ့ရတယ်လို့ ပြောရပါမယ်။ ဒီလို အခြေအနေတွေ ကလည်း ရီးရဲလ်မက်ဒရစ်တို့ ရိုဒရီဂိုကို ရောင်းချလိုတဲ့ အဓိက အကြောင်းရင်းတွေထဲက တစ်ခု ဖြစ်ကြောင်း သုံးသပ်လျက်နေကြပါတယ်။
အေးဂျင့် တစ်ဖြစ်လဲ ရိုဒရီဂိုရဲ့ ဖခင် ကတော့ သူ့သားရဲ့ အသင်း အတွက် အရေးပါမှု အခန်းကဏ္ဍနဲ့ ပတ်သက်လို့ စိုးရိမ်ပူပန်မှုတွေ ရှိနေကြောင်း ထုတ်ဖော် ပြောကြားထားပါတယ်။ ဘရာဇီးလ် လက်ရွေးစင် ကစားသမားဟာ ဗင်နီးစီးယပ်စ် ဂျူနီယာ သိမ်းပိုက်ထားတဲ့ ဘယ်တောင်ပံ နေရာမှာ ကစားခွင့်ရရင် ပိုမိုကောင်းမွန်စွာ စွမ်းဆောင်နိုင်မယ်လို့ ယုံကြည်နေကြောင်းလည်း သိရပါတယ်။
ဒါပေမယ့်လည်း အခုလက်ရှိ မှာတော့ ရိုဒရီဂိုက လာလီဂါ ကလပ်ကို စွန့်ခွာဖို့ တဖြည်းဖြည်း သေချာလာခဲ့ပြီး အာဆင်နယ်နဲ့ သတင်းတွေလည်း ပိုမို ကျယ်လောင်လာခဲ့ပြီ ဖြစ်ပါတယ်။ ရိုဒရီဂိုဟာ ဘယ်ခြမ်း တိုက်စစ်မှူး တစ်ဦး ရှာဖွေနေတဲ့ အာဆင်နယ် အတွက်ရော နည်းပြ မီခဲလ် အာတေးတား အတွက်ပါ နည်းဗျူဟာမြောက် ကစားသမား ဖြစ်လာနိုင်သူ အဖြစ် ရှုမြင်ခံထားရသူပါ။ အကယ်၍ ရိုဒရီဂိုသာ အမှန်တကယ် အသင်းကနေ ထွက်ခွာမယ် ဆိုရင်တော့ နှစ်ဖက် အသင်းကြား ပေါင်သန်း ၇၀ ဝန်းကျင်နဲ့ အပြောင်းအရွှေ့ အထမြောက်ဖွယ်လည်း ရှိနေကြောင်း သတင်းတွေက ဖော်ပြနေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
