တူရကီ စူပါလိဂ် ကလပ် ဖီနာဘာချီ ကတော့ အသင်းရဲ့ နည်းပြ ဟိုဆေး ဟိုဆေး မော်ရင်ညိုနဲ့ လမ်းခွဲလိုက်ပြီ ဖြစ်ကြောင်း မနေ့ကပဲ တရားဝင် ထုတ်ပြန် ကြေညာလိုက်ပါတယ်။ အဓိက ကတော့ ဖီနာဘာချီ အနေနဲ့ ချန်ပီယံလိဂ် ပြိုင်ပွဲ ဝင်ခွင့်နဲ့ လွဲချော်ခဲ့ရတာကြောင့် အခုလို ဆုံးဖြတ်ခဲ့တာလည်း ဖြစ်ပါတယ်။
ဖီနာဘာချီရဲ့ ဒီရာသီ အတွက် အဓိက ရည်မှန်းချက် ကတော့ ဥရောပရဲ့ အမြင့်ဆုံး ပြိုင်ပွဲ ဖြစ်တဲ့ ချန်ပီယံလိဂ် ဝင်ခွင့် ရရှိရေး ဖြစ်ပါတယ်။ ဒါပေမယ့်လည်း ပေါ်တူဂီ လူမျိုး နာမည်ကျော် နည်းပြကြီးက ဒါကို မစွမ်းဆောင်နိုင်ခဲ့တာကြောင့် အခုလိုပဲ တူရကီ ထိပ်သီး တို့နဲ့ လမ်းခွဲခဲ့ရခြင်း ဖြစ်ကြောင်း သိရပါတယ်။ မော်ရင်ဟိုရဲ့ ဖီနာဘာချီဟာ ချန်ပီယံလိဂ် ခြေစစ်ပွဲ ပလေးအော့ဖ်မှာ ပေါ်တူဂီ ထိပ်သီး ဘင်ဖီကာနဲ့ တွေ့ဆုံခဲ့ပြီး နှစ်ကျော့ပေါင်း ရလဒ် ၁-၀ နဲ့ ရှုံးနိမ့်ခဲ့တာ ဖြစ်ပါတယ်။ ဖီနာဘာချီဟာ ပထမအကျော့ အိမ်ကွင်း အားသာချက်ကို အသုံးမချနိုင်ခဲ့ပဲ ၀-၀ ရလဒ်သာ ရရှိခဲ့သလို ဒုတိယအကျော့ ဘင်ဖီကာ အိမ်ကွင်း မှာတော့ အက်တာကိုဂလူရဲ့ တစ်လုံးတည်းသော သွင်းဂိုးနဲ့ အရေးနိမ့်ခဲ့ရတာ ဖြစ်ပါတယ်။
လက်ရှိမှာတော့ ဖီနာဘာချီနဲ့ ဟိုဆေး မော်ရင်ညို တို့ရဲ့ လမ်းခွဲမှု အပေါ် အွန်လိုင်း စာမျက်နှာတွေ အပေါ်မှာ တုံပြန်မှုတွေ အများအပြား ထွက်ပေါ်နေခဲ့ပါတယ်။ ပရိသတ်တချို့က မော်ရင်ဟို အနေနဲ့ မန်ချက်စတာယူနိုက်တက်ထံ ပြန်လည် ရောက်ရှိလာနိုင်ကြောင်း ခန့်မှန်းသုံးသပ်နေကြပါတယ်။ တချို့ကလည်း မော်ရင်ညို အနေနဲ့ အနားယူသင့်ပြီ ဖြစ်ကြောင်း တိုက်တွန်းနေကြသလို တချို့ ကလည်း လက်ရွေးစင် အသင်း တစ်သင်းကို သွားရောက် ကိုင်တွယ်ဖို့ ပြောဆိုခဲ့ကြပါတယ်။ တချို့ဆိုရင်တော့ မော်ရင်ညိုခေတ် ကုန်သွားပြီ ဖြစ်တယ်လို့ပါ ရေးသား ပြောဆိုနေကြတာ ဖြစ်ပါတယ်။
တစ်ဖက် မှာလည်း မော်ရင်ညိုက ပရီးမီးယားလိဂ် ကလပ် နော့တင်ဟမ်ဖောရက်စ်ရဲ့ နည်းပြ ရာထူး အတွက် သတင်းတွေ ထွက်ပေါ်နေပါတယ်။ လာမယ့် သီတင်းတစ်ပတ် အတွင်းမှာ မော်ရင်ညို အနေနဲ့ သူ့ရဲ့ အနာဂတ်ကို ဆုံးဖြတ်သွားဖွယ် ရှိပြီး သူအနေနဲ့ အနားယူမလား ဒါမှမဟုတ် စိန်ခေါ်မှု အသစ် တစ်ခုကို ချက်ချင်း လက်ခံသွားမလား ဆိုတာ ကတော့ စောင့်ကြည့်ရမှာ ဖြစ်ပါတယ်။
လက်ရှိမှာ နော့တင်ဟမ်ဖောရက်စ်ရဲ့ နည်းပြ နူနို အက်စ်ပီရီတို ဆန်တိုနဲ့ အသင်းပိုင်ရှင် အီဗန်ဂျီလော့စ် မာရီနာကစ် တို့ဟာ လုပ်ငန်းခွင် အတွင်း ပွတ်တိုက်မှုတွေ ရှိနေပြီး နူနို ဆန်တို ကလည်း ပရီးမီးယားလိဂ်ရဲ့ ထုတ်ပယ်ခံရဖို့ ရေပန်းအစားဆုံး နည်းပြ စာရင်းမှာ နံပါတ် ၁ နေရာ ချိတ်နေပါတယ်။ ဒီအခြေအနေမှာ ဟိုဆေး မော်ရင်ညိုက ဖောရက်စ်ရဲ့ နည်းပြသစ် ဖြစ်လာဖို့ ရေပန်းစားလာခဲ့တာ ဖြစ်ပါတယ်။ အခုဆိုရင်တော့ မော်ရင်ညို အနေနဲ့ ဖီနာဘာချီရဲ့ နည်းပြ ရာထူး ကနေလည်း ထုတ်ပယ်ခံလိုက်ရပြီ ဖြစ်တာကြောင့် ပရီးမီးယားလိဂ်ဆီ တကျော့ပြန်လာမလား ဆိုတာ စောင့်ကြည့်ရတော့မှာပါ။
ပေါ်တူဂီ လူမျိုး နည်းပြ ဟိုဆေး မော်ရင်ညို ကတော့ ချဲလ်ဆီးကို ၂ ကြိမ် တာဝန်ယူခဲ့ဖူးသလို ပရီးမီးယားလိဂ် ဖလား ၃ ကြိမ် အထိ ရယူနိုင်ခဲ့ပါတယ်။ သူဟာ မန်ချက်စတာယူနိုက်တက် နဲ့တော့ ပရီးမီးယားလိဂ် ဖလား မရခဲ့ပေမယ့် ခရာဘောင်ဖလားနဲ့ ယူရိုပါလိဂ် ဖလားတွေ ရရှိခဲ့ပါတယ်။ မြောက်လန်ဒန် ကလပ် တော့တင်ဟမ်ဟော့စပါး မှာတော့ ခက်ခဲတဲ့ အချိန်တွေကို ကျော်ဖြတ်ခဲ့ရပြီး ဆုဖလား အောင်မြင်မှုလည်း မရခဲ့ပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
