ဘေယန်မြူးနစ် ကွင်းလယ်လူ ဂျော်ရွှာ ကင်မစ်ချ် ကတော့ သူတို့ အသင်းက ထိပ်တန်း အသင်း တစ်သင်း မဟုတ်တော့ကြောင်း ဝန်ခံ ပြောဆိုလာခဲ့ပါတယ်။ ကင်မစ်ချ်က ဖီယင်နော့ဒ်ကို ၃ ဂိုးပြတ်နဲ့ အရေးနိမ့်ခဲ့တဲ့ ချန်ပီယံလိဂ် လိဂ် အဆင့် ပွဲစဉ် အပြီးမှာ အခုလိုပဲ ကိုယ့်အသင်းကို ပြန်ပြီး ဝေဖန်သွားခဲ့တာ ဖြစ်ပါတယ်။
ဒီရှုံးပွဲနဲ့ ပတ်သက်ပြီးတော့ ဂျာမန် ကွင်းလယ်လူ ကင်မစ်ချ်က “ကျွန်တော် တို့ဟာ လက်ရှိမှာ ထိပ်တန်း အသင်း မဟုတ်တော့ဘူးဆိုတာ ဝန်ခံရပါမယ်။ ဒါပေမယ့် ကျွန်တော်တိုတွေ အတူတကွ တစ်စု တစ်စည်းတည်း ရှိနေပါတယ်။ ဒါက ကျွန်တော် တို့ကို မျှော်လင့်ချက် ပေးနိုင်တယ်။ ကျွန်တော်တို့ ဒီပွဲမှာ အမှားတွေ များစွာ ပြုလုပ်ခဲ့ပြီးတော့ ဒီအတွက်လည်း ပြင်းပြင်းထန်ထန် ပြစ်ဒဏ်ပေးခံနေရပါတယ်။ ဒီလို ပြတ်ပြတ်သားသား ရှုံးနိမ့်ပြီးချိန် မှာတော့ ခံစားချက်တွေက တကယ် ကောင်းမနေပါဘူး။” လို့ ပြောဆိုခဲ့ပါတယ်။
ဆက်လက်ပြီး “နောက်ပြီး ကျွန်တော်တို့ အခွင့်အရေးတွေ အများ ကြီး ဖန်တီးနိုင်ခဲ့ပြီးတော့ ဒါတွေ ကိုလည်း အသုံးမချနိုင်ပဲ ဖြုန်းတီးပစ်ခဲ့တယ်။ ပြိုင်ဘက်တွေ ကိုလည်း အရမ်းပဲ လွယ်ကူအောင် လုပ်ပေးခဲ့မိတယ်။ ဝုဖ်ဘတ်နဲ့ ပွဲကလိုပဲ အများကြီး ခွင့်ပြုပေးခဲ့မိတာပါ။ ဒါက ချန်ပီယံလိဂ်မှာ ဆိုရင် ဒီအတွက် အပြစ်ပေးခံရပါတယ်။ ယေဘုယျအားဖြင့်တော့ ကျွန်တော် တို့က ထိုက်ထိုက်တန်တန်နဲ့ ရှုံးခဲ့ရတာလို့ ပြောလို့ ရပါတယ်။”
ဘွန်ဒက်စ်လီဂါ ကလပ် ဘေယန်မြူးနစ်ဟာ ဒီရာသီ ချန်ပီယံလိဂ် လိဂ် အဆင့် ပွဲစဉ် ၆ ပွဲ ကစားပြီးချိန်မှာ နိုင်ပွဲ ၄ ပွဲ ရှုူံးပွဲ ၂ ရှိထားပြီး ရမှတ် ၁၂ မှတ် ရရှိထားပါတယ်။ ဘေယန်မြူးနစ်က ဘာစီလိုနာနဲ့ အက်စတွန်ဗီလာ တို့ကို ရှုံးနိမ့်ခဲ့ရပြီး အခု နောက်ဆုံး ပွဲစဉ် ၇ မှာလည်း နယ်သာလန် ကလပ် ဖီယင်နော့ဒ်ကို ၃ ဂိုးပြတ်နဲ့ အပြတ်အသတ် ရှုံးနိမ့်ခဲ့တာ ဖြစ်ပါတယ်။ အဲဒီ ပွဲမှာ ဘေယန်မြူးနစ်က အိမ်ရှင် ဖီယင်နော့ဒ်ကို အဘက်ဘက်က အသာစီးနဲ့ ကစားနိုင်ခဲ့ပေမယ့်လည်း သွင်းဂိုး ၁ ဂိုး ရရှိအောင်တောင် မစွမ်းဆောင်နိုင်ခဲ့ပဲ အရှက်တကွဲ ရှုံးနိမ့်ခဲ့တာပါ။ ဒီရှုံးပွဲကြောင့် ဘေယန်မြူးနစ်က ချန်ပီယံလိဂ် လိဂ် အဆင့် အမှတ်ပေးဇယား အဆင့် ၁၅ အထိလည်း ကျဆင်းသွားခဲ့ပါတယ်။
နောက်ဆုံး မှာတော့ ကင်မစ်ချ်က “ရိုးရှင်းလွန်းတဲ့ အမှားတွေကို အများကြီး လုပ်ခဲ့မိတာ အတွက် အခု ကျွန်တော်တို့ မညည်းညူနေသင့်တော့ပါဘူး။ အမှားတွေကို ပြုပြင်သင့်သလို ဘယ်လို အခြေအနေ မျိုးမှာ မဆို ကိုယ့်ကို ကိုယ်ရော ဒါမှမဟုတ် ကိုယ့်အသင်း အပေါ်ရော သံသယ ဖြစ်နေလို့ မရပါဘူး။” ဆိုပြီး မှတ်ချက်ပေးသွားခဲ့ပါသေးတယ်။
ဘေယန်မြူးနစ် ကတော့ ချန်ပီယံလိဂ် လိဂ် အဆင့် နောက်ဆုံး ပွဲစဉ် အဖြစ် စလိုဗက်ကီးယား ကလပ် စလိုဗန်ဘရက်တစ်လာဗာနဲ့ ကစားရဖို့ ရှိနေပါတယ်။ ဘေယန်မြူးနစ်ဟာ ဒီပွဲမှာ မဖြစ်မနေ ရလဒ်ကောင်းဖို့ အရေးကြီးနေပြီး ဒီပွဲမှာ အနိုင်ရမှ ၁၆ သင်း အဆင့်ကို တိုက်ရိုက် တက်ရောက်ခွင့်ကို မျှော်လင့်နိုင်မှာ ဖြစ်ပါတယ်။ ဒါ့အပြင် တခြားသော ဇယား အထက်က အသင်းတွေရဲ့ ရလဒ်ကိုလည်း စောင့်ကြည့်ရမှာ ဖြစ်ကာ ပလေးအော့ဖ် ကစားရဖို့တော့ ပိုများပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
