လာလီဂါ ကလပ် ရီးရဲလ်မက်ဒရစ် ကတော့ လာမယ့် ဇန်နဝါရီ ဆောင်းရာသီ အပြောင်းအရွှေ့ ဈေးကွက်ဖွင့်ချိန်မှာ တိုက်စစ်ပိုင်း အတွက် အလက်ဇန္တား လာကာဇက်ကို ချိန်ရွယ်နေကြောင်း အံ့အားသင့်ဖွယ် သတင်းတွေ ထွက်ပေါ်လာပါတယ်။ လိုင်ယွန် ကတော့ ဒီရာသီမှာ ဘဏ္ဍာရေး ပြဿနာတွေ ရှိနေတာကြောင့် ကစားသမားတွေ မဖြစ်မနေ ရောင်းထုတ်ရဖို့ ရှိနေတာ ဖြစ်ပါတယ်။
ဒီအချိန်မှာ လာလီဂါ ထိပ်သီး ကလပ်က လိုင်ယွန် တိုက်စစ်မှူးကြီး လာကာဇက်ကို ခေါ်ယူဖို့ ပြင်ဆင်နေကြောင်း သတင်းတွေ ထွက်လာတာ ဖြစ်ပေမယ့် အတည်ပြုနိုင်ခြင်းတော့ မရှိသေးပါဘူး။ ရီးရဲလ်မက်ဒရစ်ဟာ လက်ရှိ နွေရာသီမှာ တိုက်စစ်မှူး ကီလီယန် အမ်ဘာပေးနဲ့ အန်းဒရစ်ခ် တို့ကို ခေါ်ယူထားခဲ့ပြီး တိုက်စစ်ပိုင်းကို အင်အားဖြည့်တင်းထားခဲ့တာ ဖြစ်ပါတယ်။
လက်ရှိ ရီးရဲလ်မက်ဒရစ် ဘယ်ခြမ်း တောင်ပံမှာ ဗင်နီးစီးယပ်စ် ဂျူနီယာ ရှိနေတာကြောင့် အမ်ဘာပေး ကိုတော့ သူအဓိက ကစားတဲ့ ဘယ်တောင်ပံ တိုက်စစ် နေရာမှာ အသုံးပြုမပြုပဲ အထောင် တိုက်စစ် မှာသာ ကစားနေစေရတာ ဖြစ်ပါတယ်။ ဒါကြောင့် အမ်ဘာပေးဟာ ထင်သလောက် ခြေစွမ်းပြနိုင်ခြင်း မရှိသလို လူငယ် ကစားသမားလေး အန်းဒရစ်ခ် ကလည်း ပွဲကစားခွင့်ရဖို့ ရုန်းကန်နေရပါတယ်။
ဒီလို အခြေအနေတွေ ရှိနေပေမယ့်လည်း လာလီဂါ ကလပ် ရီးရဲလ်မက်ဒရစ် ကတော့ ဆောင်းရာသီ ဈေးကွက်မှာ တိုက်စစ်မှူး တစ်ဦး ထပ်မံ ခေါ်ယူသွားဖို့ ရှိနေပြီး လာကာဇက်နဲ့ သတင်းတွေ ထွက်လာတာပါ။ အကယ်၍ ရီးရဲလ်မက်ဒရစ်သာ လာကာဇက်ကို အမှန်တကယ် ကြိုးပမ်းရင်တော့ ဈေးသက်သက်သာသာနဲ့ ခေါ်ယူနိုင်ဖို့တော့ ရှိနေပါတယ်။
လာကာဇက်က လာမယ့် ၂၀၂၅ ဇွန်လမှာပဲ လိုင်ယွန်နဲ့ စာချုပ်သက်တမ်း ကုန်ဆုံးတော့မှာ ဖြစ်ပြီး အလွတ်နဲ့ လက်မလွှတ်ခင် ဆောင်းရာသီ ဈေးကွက်မှာပဲ cut-priced တန်ကြေးနဲ့ ရောင်းချနိုင်မှာ ဖြစ်ပါတယ်။ ထွက်ပေါ်နေတဲ့ သတင်းတွေ အရတော့ ရီးရဲလ်မက်ဒရစ်က လာကာဇက် အတွက် ယူရို ၅ သန်းနဲ့ ကမ်းလှမ်းသွားဖို့ ရှိနေတယ်လို သိရပါတယ်။ လိုင်ယွန်က လက်ရှိမှာ ဘဏ္ဍာရေး အကျပ်အတည်း တွေကြောင့် တန်းဆင်းရမယ့် အခြေအနေနဲ့ ရင်ဆိုင်နေရပြီးတော့ ဆောင်းရာသီ ဈေးကွက်မှာ ကစားသမားသစ် ခေါ်ယူခွင့်ပါ ပိတ်ပင်ထားခံရပါတယ်။ ဒါ့အပြင် အသင်းရဲ့ ထိပ်တန်း ကစားသမား တချို့ ကိုလည်း မဖြစ်မနေ ရောင်းထုတ်သွားရတော့မှာ ဖြစ်ပါတယ်။
လက်ရှိမှာ လာကာဇက်က အသက်အရွယ် အားဖြင့် ၃၃ နှစ်ထဲကို ရောက်ရှိနေပြီ ဖြစ်ပြီး ကစားသမားဘဝ အကျပိုင်းကို ရောက်ရှိနေပြီ ဖြစ်ပါတယ်။ အာဆင်နယ် ကစားသမားဟောင်း ဖြစ်ခဲ့တဲ့ လာကာဇက်ဟာ လက်ရှိမှာ လိုင်ယွန်ရဲ့ အသင်းခေါင်းဆောင် တာဝန်ကို ယူထားပြီး လိုင်ယွန်ကို ပြန်လည် ရောက်ရှိချိန်ကတည်းက ၈၈ ပွဲ ကစားရာမှာ ၅၈ ဂိုး သွင်းယူပြီး ခြေစွမ်းပြနေတာ ဖြစ်ပါတယ်။ လာကာဇက်ဟာ အာဆင်နယ်ကို မပြောင်းရွှေ့ခင် ပထမအကြိမ် လိုင်ယွန်မှာ ကစားခဲ့စဉ် ကလည်း ၂၇၅ ပွဲ ကစားကာ ၁၂၉ သွင်းယူခဲ့ပြီး အာဆင်နယ် မှာတော့ ၂၀၆ ပွဲ ကစားကာ ၇၁ ဂိုး သွင်းယူပေးခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
