သူရမ်ကို ခေါ်ယူချင်တဲ့ အသင်းတွေ ထဲမှာ ပီအက်စ်ဂျီလည်း ပါဝင်လာ၊ ဝစ်ဇ်ကို မက်ဆီနဲ့ ခိုင်းနှိုင်း ချီးကျူးလိုက်တဲ့ ဇာဘီ စတဲ့ သတင်းတွေ အပါအဝင် ဇန်နဝါရီ ၁၆ ရကနေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
သူရမ်ကို ခေါ်ယူချင်တဲ့ အသင်းတွေ ထဲမှာ ပီအက်စ်ဂျီလည်း ပါဝင်လာ
ဘွန်ဒက်စ်လီဂါ ကလပ် မိုချန်ဂလာဘတ်ရဲ့ တိုက်စစ်မှူး မားကပ်စ် သူရမ်ကို ခေါ်ယူချင်တဲ့ အသင်းတွေ ထဲမှာ နာမည်ကြီး ပြင်သစ် ထိပ်သီး ကလပ် ပီအက်စ်ဂျီလည်း ပါဝင်လာကြောင်း သိရှိရပါတယ်။
လက်ရှိအချိန်မှာ သူရမ်ကို ခေါ်ယူဖို့ ချဲလ်ဆီး၊ ဘာစီလိုနာ တို့က စိတ်ဝင်စားနေပြီး ပီအက်စ်ဂျီ ကလည်း ဒီကစားသမားနဲ့ ပတ်သက်လို့ စိတ်ဝင်စားမှု ရှိလာခဲ့တာ ဖြစ်ပါတယ်။
အသင်းကြယ်ပွင့်ကို မက်ဆီနဲ့ ခိုင်းနှိုင်းလိုက်တဲ့ အလွန်ဆို
ဘွန်ဒက်စ်လီဂါ ကလပ် လေဗာကူဆင်ရဲ့ နည်းပြ ဇာဘီ အလွန်ဆိုက အသင်း ကြယ်ပွင့် ဖလော်ရီယန် ဝစ်ဇ်ကို လီယွန်နယ် မက်ဆီနဲ့ ခိုင်းနှိုင်း ချီးကျူးလိုက်ပါတယ်။
အသက် (၁၉) နှစ် အရွယ် အဆိုပါ ကစားသမားဟာ လက်ရှိအချိန်မှာ ဒူးဒဏ်ရာကြောင့် ဒီရာသီ လေဗာကူဆင်ရဲ့ ပွဲစဥ်တွေကို ကစားပေးနိုင်ခြင်းတော့ မရှိသေးပါဘူး။
ဒါပေမယ့် လက်တလော မှာတော့ အသင်းနဲ့အတူ လေ့ကျင့်ခန်း ပြန်ဆင်းနေပြီး ဇာဘီက ဝစ်ဇ်ရဲ့ အနေအထား အပေါ် ကမ္ဘာ့ဖလား ချန်ပီယံ အာဂျင်တီးနား အသင်းခေါင်းဆောင် မက်ဆီရဲ့ ခြေစွမ်းနဲ့ ခိုင်းနှိုင်းပြီး ချီးကျူး ပြောကြားသွားခဲ့တာလည်း ဖြစ်ပါတယ်။
စာချုပ်သစ်မှာ ဘာစီလိုနာကို ပြောင်းခွင့် ထည့်သွင်း ချုပ်ဆိုချင်နေတဲ့ မူကိုကို
ဘာစီလိုနာဟာ အဆိုပါ ဘွန်ဒက်စ်လီဂါ ကြယ်ပွင့်ကို ခေါ်ယူဖို့ အနီးကပ် စောင့်ကြည့်နေပြီး လာမယ့် နွေရာသီမှာ အလွတ် ပြောင်းရွှေ့ကြေးနဲ့ ခေါ်ယူဖို့ စိတ်ဝင်စားနေပါတယ်။ ဒါပေမယ့်လည်း မူကိုကို,ကို စိတ်ဝင်စားနေတဲ့ အသင်းပေါင်းများစွာ ရှိနေသေးတဲ့ အတွက်တော့ ဘာစီလိုနာကို ရောက်မယ်လို့ တထစ်ချ ပြောလို့ မရသေးပါဘူး။
မူကိုကို ကတော့ လက်ရှိအချိန် မှာသာ ဒေါ့မန်နဲ့ စာချုပ်သစ် ချုပ်ဆိုဖြစ်ခဲ့မယ် ဆိုရင် ဘာစီလိုနာ ဘက်က ကမ်းလှမ်းလာပါက ယူရိုသန်း (၅၀) နဲ့ ပြောင်းရွှေ့ခွင့် ပေးရမယ် ဆိုတဲ့ အချက်ကို ထည့်သွင်း ချုပ်ဆိုသွားဖို့ ဆန္ဒ ရှိနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
